Ariba Khan
Agar yaadein pyaar nahi, toh mehaz yaadon me yaad aana pyaar toh nahi?
Musalsal tujhe yaad karte rahe hum
Musalsal teri yaad me tadapte rahe hum
Mehaz yaad aana pyaar toh nahi...
Mere khato ke jawab me likhi teri har chitti
Aaj bhi band almaari ke kisi kone me rakhi hai
Mehaz yaadon ko sawaarna pyaar toh nahi...
Yaad hai wo galliyon me chup chup ke milna
Har mulakat me ek dar sa chupa hua tha
Mehaz yaadon me milna pyaar toh nahi...
Yaad hai ghanto phone pe baatein karna
Aur phir yaad se call logs delete kar dena
Mehaz yaadon me khamosh rehna pyaar toh nahi...
Gar yaadein pyaar nahi
toh bhoole hue pyaar ki yaadein kyun hai
Mehaz yaadon me yaad aana pyaar toh nahi