Beete Lamhe

May 18, 2018 | 2685 Views |

Farewells and goodbyes hurt but memories are very precious. Dedicated to all those people who are part of my journey making it memorable.

Kuch haseen wo bhi pal the

Beete Jo guzre kal the

Yaad jab bhi wo pal aaye

Zindagi ek dafa phir muskuraye

Aur.... wo yun hi khilkhilake hasna

Jaise bin mausam badalo ka barasna

Aur..... wo choti see baato par rooth jaana

Par poori koshish kar phir manana

Aur..... wo ghanto kisso kahaniyo ko sunna

Jaise baato hi baato me sapno ko bunna

Aur.... wo kabhi sataana kabhi rulaana

Magar.... hamesha saath nibhana

Ab jab iss Safar me khud Ko tanha payenge

Inhi meethi yaado se dil ko behlaenge

Ab jab kabhi aankhon se aansu bahenge

Pochne waale haatho ko yaad karenge

Ab yeh puraane din Laut ke na aayenge

Wo masti, wo yaariyan bhula na paenge

Hum apni raaho me iss kadar kho gaye

Bas ab toh yaad Bankar reh gaye

Wo bhi kuch haseen pal the

Beete Jo guzre kal the

Yaad jab bhi wo pal aaye

Zindagi ek dafa phir muskuraye...

Ariba Khan

Every new journey leads to a new destination and writing is the most beautiful journey for me!