Ariba Khan
Sometimes you love someone but that love is merely an illusion. What you feel about such a lost love is beyond words. Here, I have tried capturing the same feeling in a poem.
Unhe paane ki chahat me
Hum khud ko khote rahe
Na ishq mila na sukoon
Bas barbaad hote rahe
Ek taraf thi meri mohobbat
Aur ek taraf thi unki Azaadi
Phir, khol diya pinjra
Aur wo farar hote rahe
Unhe jaata hua dekh
Unke laut aane ki ummeed khote rahe
Hum cheekhna chahte the, rokna chahte the
Par chup khade bas rote rahe
Aankhein bhi num thi
Aur dil me toofaan uthte rahe
Shikayat Hazaro thi
Par lafz kam hote rahe
Wo pyaar ka jhoota daawa karte
Aur hum behad pyaar karte rahe
Todgaye hazaar tukdo me
Aur ab hum unhe yaad bhi na rahe
Aur iss tarah
Unhe paane ki chahat me
Hum khud ko khote rahe
Na ishq mila na sukoon
Bas barbaad hote rahe